ترتيب الوظائف المعرفية أو ال Cognitive Functions عند ENFJ كالتالي :
fe-ni-se-ti-fi-ne-si-te
هنتكلم
عن كل وظيفة حسب ترتيبها لأن زي ما قلنا قبل كده ان ترتيب الوظيفة بيفرق في معناها
عند كل نمط!
أو بمعني آخر ( وجود وظيفة معينة في ترتيب معين بيديها معني مختلف عن وجودها في
ترتيب تاني)
_______________________
الوظيفة الأولي هي fe ودي اللي بتخلي ENFJ متعاطف وبيظهر الدعم للي حواليه دايما وبتخليه
قريب من الناس ومحبوب لأنه بيعرف مشاعرهم كويس لكن السلبية هنا انه بيتغير حسب
الناس وممكن يتشاف انه منافق بسبب كده وكمان الfe بتخليه يهمل في نفسه عشان خاطر الناس وبيشيل
همهم أكتر منهم لأنه بيحط نفسه مكان صاحب المشكلة و الأكتر من كل ده ان لو الجو
المحيط بيه فيه طاقة سلبية فهيتأثر جدا علي عكس لو حواليه ناس إيجابيه بيكون متحمس
ومتحفز
بالتالي المفروض ال ENFJ يقلل ال fe عن طريق
انه يهتم بنفسه أكتر كأنها شخص منفصل عنه ويتعامل مع احتياجاته الشخصية زي ما
بيتعامل مع احتياجات الآخرين ، بالإضافة لانه يفكر بعقلانية أكتر وميركزش مع مشاكل
الناس اللي متخصوش لان في النهاية هو مش مسئول عن حد ، وميسمعش للناس السلبية
المحبطة ويفضل ان دايما يكون لستة الحاجات اللي بيسمعها تحفيز وطاقة إيجابية .
_____________
الوظيفة التانية ni ودي اللي بتخليه مركز علي هدف
واحد وعارف كويس هو عارف ايه ( و لأن ترتيبها التانية فهي المسئولية بالنسباله)
طول الوقت هو مشغول ب انه يحط هدف ويحققه وده شيئ إيجابي طبعا لكن لو زاد أوي بيخليه
طموح أكتر من اللازم ومش راضي عن إنجازاته الكتير لأنه عاوز الأكتر!
علشان كده لازم يراقب نفسه ويبقي عارف كويس إذا كان بينجز أو لأ ويكتب كل حاجة ع
الورق (مهما كانت صغيرة) للتوثيق .
___________
تالت وظيفة ال se اللي مسئولة عن انه يكون واعي باللي حواليه وده
بيخليه حابب يعمل ايفنتات وحفلات ويسيب أثر كويس عند الناس وف نفس الوقت هي اللي
بتخليه قادر ي move on بعد أي تجربة مش كويسة
لو الوظيفة دي مش متطورة كفاية هيكون بيتأثر بالتجارب السابقة ويعيش في الماضي
____________
رابع وظيفة هي ال ti المسئولة عن المعلومات ، لكن بما انها في
الترتيب الرابع بتمثل ال insecurity) ) ف ده
بيخليه مش متأكد من معلوماته ومحتاج توكيدات خارجية عن المعلومة باستمرار بالرغم
من انه ممكن يظهر انه واثق في الكلام اللي بيقوله
عشان ال ENFJ يطور الجانب ده عنده فلازم
يقعد مع high ti
user ويتناقش معاهم
_____________
في الوظيفة الخامسة fi وبما ان ترتيبها في ال (nemesis) يعني
بمثابة العدو.. بالتالي المشاعر الداخية بتتمثل في جلد الذات بعد أي موقف بسيط أو
اي قرار (أي حاجة غلط بيحسس نفسه ان هو السبب ف انها تحصل) وده سبب كبير ان
الشخصية دي دايما مش مرتاحة وعندها overthinking
الحل ان ال ENFJ يكون عنده وعي باحتياجاته و معتقداته الشخصية و
يفهم انه مش مسئول عن اي حاجة هو ملوش ذنب فيها (يضع الأمور في نصابها)
_______________
ال ne في الوظيفة السادسة بتمثل (الصوت الناقد) وده
بيخليه ينتقد نوايا الآخرين و خياراتهم لأنه حاسس قراراته هي اللي صح وبيكون مرتاح
لو الشخص التاني أخد قرار في وجوده عن انه ياخده لوحده وبعدين يبلغه بيه ! ال ne لو زادت
بتخلي الشخص مش مركز في حاجة واحدة ومشتت وسرحان وتايه ومش بيكمل الحاجة
لآخرها .
ال ENFJ لازم يتعلم انه مش دايما الناس بتقرر غلط ولا هو
بس اللي صح ويديهم فرصة يختاروا بنفسهم
________
سابع وظيفة ال se وترتيبها بيخليها وظيفة (عدم الوعي) يعني قليلة
جدا
هي في الأصل مسئولة ان الشخص يكون راسي ومهتم بالتفاصيل ومسئولة كمان عن الذكريات
طويلة المدي
ف بما انها قليلة ال ENFJ مندفع أحيانا في قراراته ومش مهتم بالتفاصيل وبينسي
الحل انه يستخدم نوت ويدرب نفسه علي التركيز في تفاصيل الكلام لان في بعض
الاوقات الصورة الكاملة او النظرة العامة
لوحدها مش بتكون كفاية ، ويتمهل في القرارات بعد ما يفكر كويس
____________
ال te اخر وظيفة (ضعيفة جدا جدا )
في الاصل هي بتخلي الشخص ناجح وبيدير مشاريع و ينفذ خطط كبيرة وصارم
بالتالي ال ENFJ عنده مشكلة في التنفيذ رغم تخطيطه الكويس
ممكن يطورها بالتدريب و بإجبار نفسه علي جدول
معين خلال وقت معين والنقاش مع حد يكون high te user
________________________
الخلاصة:
قلل fe ، زود te
تجربة
شخصية:
مشكلة النسيان عند ال ENFJ هي علي الأغلب قلة تركيز ناتجة عن انه بيحشي
دماغه بتفاصيل مش مهمة علي حساب التفاصيل المهمة ، فبتلاقيه فاكر حاجات هبلة جدا
ومركز فيها والمعلومة الأساسية طايرة من دماغه ، أو ممكن يفتكر المعلومة بعد ما
الموقف اللي كان محتاجها فيه يفوت . فالنصيحة الأهم درب نفسك علي التركيييييز
______________________
بقلم/ د.إسراء محمود
إرسال تعليق