الوظائف المعرفية لأنماط الشخصية

 شخصية حالمة ،عايشة في أحلام اليقظة ،معروف عنها انها كيوت.. شخصية المعالج او الوسيط

INFP

_____________

ال INFP  شخصية نادرة بتمثل 4% بس من الناس ومعظمهم بنات .. والشخصيات دي حلمها انها تساعد الناس كلها والعالم يبقي مكان افضل ، وبتبقي حساسة و مثالية جدا ومعاييرها عالية .. وللأسف المثالية  دي بتعملهم نوع من عدم الرضا  ،

وبيحصلهم ERROR لما يضطروا يواجهوا الواقع المختلف تماما عن خيالهم.

المعالج بيحب يجرب حاجات جديدة لكن مبيعملش ده كتير 

وعنده أخلاقيات من خلال تجاربه السابقة 

وبيكون مش مهتم بالمنطق وبيخاف ياخد قرار ورغم كده بيعرف يحل مشاكل الاخرين لانه مستمع جيد وبيفهم وجهة نظر الطرفين ..ومن هنا جه مسمي الشخصية 

ال INFP مش بيحب العلاقات الطويلة وده بيفسر اختفاؤه المفاجيء بعد معاملته اللطيفة في الاول ، و رد فعله دايما بيكون عنيف وغير متوقع ..ممكن يوصل للانتحار وهي اكتر شخصية عرضة للانتحار بسبب نفسيتهم الهَشّة وحساسيتهم المفرطة اللي بتتقابل دايما بالسخرية (لدرجة ان كان فيه تريند من فترة ان ال infp  عيوطة وبيتأثروا بمشاكل القطط) 

كمان الشخصية دي عندها مشكلة في التنظيم و مش بتهتم بالتفاصيل الا لو الحاجة علي مزاجها ساعتها بتهتم بادق التفاصيل .. علشان كده ال INFP  بيتشاف بحالتين اما كسلان ومنعزل (لانه مش مهتم) او شعلة نشاط بيهد المكان ويبنيه (لانه مهتم) 

في العمل : بيواجه صعوبة في التعامل مع المجتمع وبيكون خجول بياخد النقد بشكل شخصي بالتالي الانسب ليه هو الشغل الاونلاين  وبالرغم من انه معندوش قدرة علي التعبيراللفظي الا انه بيعرف يكتب ويحكي وبيكون ذكي و شاطر في اللغات

الاعمال المناسبة : كاتب روائي او مترجم 

_______________

مميزات الشخصية :

 الحنية والاحساس (هما  اكتر الاشخاص اللي ممكن تروح تعيطلهم ويمعلشوك كويس ) ، بيسيب مساحة شخصية للي بيتعامل معاه لانه بيهتم بالخصوصية سواء ليه او لغيره،مرن ومتنوع 

لكن من العيوب:

 انه بيلوم نفسه علي اي حاجة بتحصل ومش راضي عن نفسه والحاجة اللي بيعملها بشكل كافي، بيكره احساس الالم وممكن يفضل عايش في الكمفورت زون فترات طويلة

__________

لو بتتعامل مع INFP :
اديله مساحة وبلاش تنتقد احساسه وحاول تكون داعم ليه 

ولو انت  INFP:
  لازم تتعلم ت move on بعد اي صدمة ومع الوقت مش هتتصدم ،ومش لازم تطلع من خيالك لكن تقبل اختلاف الواقع 

بقلم/ د.إسراء محمود