ترتيب الوظائف المعرفية أو ال cognitive functions عند ESTJ كالتالي:
Te-si-ne-fi-ti-se-ni-fe
الوظيفة الأولي و الأعلي عند ال ESTJ هي ال te وده اللي بيخليه يقدر يدير
مشاريع وياخد قرارات من غير ما يندم عليها بعدين ، لكن ده برده اللي بيخليه يبان
حازم و صارم والناس بتشوف انه ناشف أو tough ،
ممكن يتعامل مع الموضوع ده انه يحاول يظبط ال fe اللي هنتكلم عليها في الاخر
___________________
تاني وظيفة واللي برده بتكون عالية هي ال si وهي اللي مسئولة عن انه مبيغلطش مرتين أو بيتعلم من التجارب
وبيعتمد في قراراته علي الخبرات السابقة ، وكمان هي المسئولة عن الذاكرة الكويسة
ناحية المواقف و التزامه بالعادات و التقاليد ومان بيقدر يجبر نفسه علي الالتزام
او ما يعرف بال self-discipline
مشكلة الوظيفة دي ف ان كل حاجة عنده بحساب الضحك و الهزار.. حتي الابتسامة بحساب فبيظهر للناس انه شخص وقور اوي وليه هيبة لدرجة ان فيه ناس بتخاف من
التعامل معاه ( وحل المشكلة دي في ال fe برده )
___________
ال ne بما انها في ال child function بتكون بريئة عند ال ESTJ
وبتخليه فاهم نوايا الناس
اللي حواليه وعارف هما عاوزين ايه وبيحاول يبسط المقربين منه أو الناس اللي حاسس
بمسئولية ناحيتهم وفرحتهم بتكون فرحة ليه
________
ال fi في الوظيفة الرابعة يعني بتمثل
ال insecurity وده اللي بيتسبب ف انه أحيانا بيشك انه شخص مش كويس ويتساءل ايه
الفايدة من اللي انا بعمله وبيجيله نوبات اكتئاب علي المدي الطويل أو ما يسمي
بالأزمة الوجودية
والحل انه يفكر نفسه دايما بفايدة كل حاجة صغيرة بيعملها و يسمح لنفسه بأوقات من
عدم الإنجاز ويحط ده ف خطته
________
خامس وظيفة ti وبما انه مش ممتلكها كويس
فبيكون مش واثق في المعلومات ومحتاج توكيدات خارجية
وممكن يطورها بانه يتناقش دايما مع حد بيستخدم الti بكثرة
_________
ال se في الوظيفة السادسة يعني
ناقدة
وده السبب ف انه بيهتم بالمظهر جدا وبينقد الأشياء المادية والظاهرية زي الشكل
واللبس
وبيهتم انه بيظهر بشكل كويس قدام الناس ويلبس شيك وبيخاف الناس تنتقده
النصيحة انه يتعمق ويحاول يشوف جوهر الشيء مش يركز بس ف الصورة الخارجية و
الماديات
_________
سابع وظيفة ni (عدم الوعي)
الأصل انها بتخلي الشخص محدد اهدافه كويس لكن ال ESTJ
غير واعي بيها أو ضعيفة عنده فبيكون مش عارف هو عاوز ايه وعلشان يطورها محتاج انه
يدمج ده في الخطة بتاعته ويسأل نفسه أنا بعمل ده ليه أو عاوز أوصل لإيه بالظبط و
لو عملت ايه هبقي راضي
______
آخر وظيفة هي ال fe واللي بتكون ضعيفة جدا جدا
فبنلاقي ال ESTJ غير مهتم مطلقًا بمشاعر
الآخرين لما يحب ياخد قرار أو يقول كلام دبش أو يتعامل مع أي موقف لذلك هو شخصية
غير محبوبة من الناس رغم قدرته علي انه يكون مستمع جيد ويحل الخلافات ويحسس الطرف
التاني بالأمان..
طيب ازاي يزود ال fe ؟
❤يبتسم ☺☺☺
❤يتعاطف و يحط نفسه مكان صاحب المشكلة .
❤قبل ما يرمي كلام يختبره علي نفسه
لو اتقاله هل هيزعل ولا عادي .
❤ يعرف ان الكلمة ممكن تبقي أشد من الخنجر
علي ال feelers ويعرف كمان ان العاطفة مش غباء
أو تفاهة .
❤يحس بأهمية الانسجام مع الناس وانه يكون شخص لين (حرم علي النار كل هين لين
سهل قريب من الناس)
الخلاصة : زود fe قلل se
___________
بقلم/ د.إسراء محمود
إرسال تعليق