لو مبدأك في الحياة (get the job done) يبقي انت أكيد
estj
___________
المشرف أو
التنفيذي شخص حامل للمسئولية وملتزم بالنظام وبيكون حازم و صارم لكن مخلص وبيوفي
بالوعد
الشخصية
دي بتحب الإدارة بالفطرة وإنجاز المشاريع وبياخد قرارات كبيرة بدون تردد
الناس دايما بتشوفه شخص وقور، كلامه بحساب هزاره بحساب ، وبالمناسبة هو شاطر جدا
في الحسابات المالية لدرجة ان بعض الناس بيشوفوه مادي .
الestj مبيكررش غلطة مرتين لانه
عنده ذاكرة كويسة للتجارب والخبرات اللي مر بيها قبل كده بكل تفاصيلها وبيحكم من
خلالها ،
بالاضافة ان عنده نظرة ثاقبة لاحداث المستقبل وبيكون حاطط كل حاجة في الحسبان
(وزيادة عليها شوية من عنده عشان يبقي في الامان)
ممكن يكون مش عارف هو نفسه عاوز ايه لكن عارف كويس جدا اللي حواليه عاوزين ايه وبيحب
يبسط الناس اللي هو مسئول عنهم ، لكن بالرغم من كل ده مش بيهتم بالمشاعر او
اظهارها فبيبان كأنه بارد او مبيحسش..بس في الحقيقة هو حساس وبيعبر عن الاهتمام
بطريقته (زي انه يقضي معاك وقت لطيف )
المشرف بيبان واثق جدا من كل كلامه لكن اوقات كتير بيكون خايف الكلام ميكونش منطقي
ومحتاج يتأكد ان المعلومة صح من ناس تانية، وهو من أكتر الشخصيات اللي تقدر تقول
عنه انه straight forward من غير اي لف ودوران وبيمثلوا 10% من الناس
في العمل:بيكون self-desplined جدا وانجازه ملموس ،و غالبا بيكون مدير
مسيطر ومتطلب ودقيق ..محتاج نتايج سريعة ومش بيسامح ف اي غلط .. ومن الاعمال اللي بتليق عليه قائد عسكري او
محقق او قاضي او مدرس
_____________
نقاط القوة في شخصية estj :
منظم وحماسي ، مستمع جيد ،مستقر وبيعرف يحل
الخلافات كويس عكس معظم الشخصيات
اما نقاط الضعف :
انه فاكر نفسه دايما صح ومش بيتقبل أي رأي تاني، السطحية اللي
بتخليه يحكم علي الناس وينتقدهم من المظهر (ولنفس السبب بيهتم انه يظهر قدامهم
بشكل كويس)،و التقليل من مشاعر الآخرين
______________________________
لو بتتعامل مع حد estj :
حاول تسيبله زمام الأمور وفي النقاشات خليك
هادي علشان ميبقاش عدواني معاك ، بلاش العشوائية والاحداث المفاجئة لانه شخص بيخطط
لكل صغيرة وكبيرة فمتبهدلش مخططاته،وفكره دايما بالايجابيات اللي بيعملها
اما لو انت estj :
حاول تقدر مشاعر الناس و لما يكون فيه موقف
يتطلب دعم معنوي بلاش تحله بالعقلانية والمنطق
بقلم/ د.إسراء محمود
تعليقات