سورة
"آل عمران" معشوقتي ❤
أكتر السور
حبًا لقلبي، كل ما بجيب آخري بلجأ ليها خاصةً آخر ٣ أرباع، وكل مرة الآيات بتلمس قلبي
كأنها المرة الأولي،
أول مرة أركز
معاها كانت لما سمعتها في صلاة تراويح من إمام صوته حلو.. بعد كده بقيت أسمعها دايمًا
بصوت القاريء "حاتم فريد" كان برده بيصلي بيها في تراويح و وراه ملايين!
وصوته خاشع جدًا.
بعد كده اكتشفت
انها بتحلّو صوت أي حد حتي أنا ^^
السورة من
اولها لآخرها كل كلمة وكل حرف فيه معاني لوحده . الآيات والمواقف واقعية جدًا رغم الاختلاف
بين حالتنا وسبب النزول ، لكن دي ميزة عظيمة في القرآن (ملائم لكل زمان ومكان )!
♡من اللطائف الجميلة اللي سمعتها جملة "وهو قائم يصلي في المحراب"
ان الرزق لما جه لسيدنا زكريا كان في موضع سعي وتوكل.
♡كلمة "فأثابكم غمًا بغم" مش "أصابكم" كأن الغم في الوقت
ده شيء كويس ومثوبة مش عقاب!
♡آيات السكينة والطمأنينة.
♡الأدعية اللي بعدها علطول كلمة "فاستجاب" مش "و" لأن الفاء
تفيد السرعة .
♡الآية اللي بتخذها شعار في كل مصيبة "الذين قال لهم الناس إن الناس قد
جمعوا لكم فاخشوهم " طب خافوا؟ لأ "فزادهم إيمانا"! "وقالوا حسبنا
الله ونعم الوكيل "
♡والرد في الآية اللي بعدها "فانقلبوا بنعمة من الله وفضل" مش بس كده
.."لم يمسسهم سوء"
♡وكان قبلها ب بكام آية "يستبشرون بنعمة من الله وفضل " وكأنه تحقيق
البشري.
♡و حاجات كتيييير تانية.
♡في نهاية السورة نصايح قرآنية عظيمة "اصبروا و صابروا و رابطوا و اتقوا
الله " .
♡♡♡♡♡♡♡♡♡♡
ربنا يجعلنا من اهل القران.... فعلا من السور الجميله ربنا يعلق قلوبنا بيها زيك كده. ❤❤❤
ردحذفاللهم آمين ويجعلها شفاعة لينا يارب
حذف