قصائد بالفصحي بعنوان إليك اشتياقي وللشجون قصائد

    شخصيات ذكية جدا لكن بتكسل تستخدم ذكاءها... وطالما ذكرنا الكسل يبقي هنتكلم عن INTP

_____________

المنطقي او المعماري :

شخص عارف شيء عن كل شيء لانه دايما بيجمع معلومات عن كل حاجة ويحللها في دماغه، وغالبا بتلاقيه منعزل وشارد ودماغه مشغولة بكذا فكرة .

بيهتم اكتر بالقوانين النظرية وبيتعلم عن طريق التجربة ، وكمان هو مبدع وبيعمل كل حاجة علي طريقته وعنده ذاكرة كويسة و إمكانياته العقلية عالية.

المنطقي بيكون عقلاني ومستقل بيحب النقاش والجدال و بيهتم يعرف رأي الناس وبيتوقع رد فعلهم علي كلامه قبل ما يقوله ، وفي الغالب مش بيرتاح وسط الناس الا مع المقربين منه .. و بيتحمس للأفكار الجديدة و بيحاول يلاقي تفسير لكل حاجة.

الشخصيات دي بتمثل حوالي 4% من الناس

في العمل : المنطقي بيفضل المشاريع المعقدة عن الشغل الروتيني وبيعرف يركز علي حاجة واحدة

 من الاعمال المناسبة ليه : التصوير والبرمجة والحاجات التقنية

___________

من مميزات الشخصية :

 بيتقبل النقد علي عكس معظم الشخصيات ، مرن والتعامل معاه سهل

من عيوب الشخصية:

 بارد في العلاقات العاطفية،وبالرغم من كده صعب بالنسباله انه ي move on  بعد ما العلاقة تنتهي وبيفضل يفتكر كل التفاصيل 

 متشائم وبيخاف من المستقبل 

 شكاك

تعامله مع المشاكل اما بالتجاهل او العصبية

______________

لو بتتعامل مع INTP : متستناش منه انه يعبر عن حبه بالكلام لانه بيعبر اكتر بالتصرفات ،و اديله مساحة يفكر مع نفسه.

لو انت INTP : حاول تخرج من الكمفورت زون بتاعك وخد الريسك 

بقلم/ د.إسراء محمود