يعني ايه مدونة؟
المدونة باختصار هي موقع
إلكتروني زي أي موقع علي جوجل.
ايه الهدف
منها؟
بعض الناس بتستخدمها لغرض النشر
فقط والبعض الآخر بيستخدمها بغرض الربح ( لكن ده مش بيحصل بسهولة).
طب ايه هدفي؟
هي مساحة بنشر فيها كتاباتي ...
فيه ناس بتعبر عن نفسها
بالكلام،بالرسم،بأي طريقة، ودي طريقتي في التعبير
وبدل ما الورق بيترمي في الدرج
أو بيكون مصيره الحرق..مفيش مانع ان ناس تانية تقرأ ربما يكون مفيد ..او يلاقوا
نفسهم في جزء منه.
عمل المدونة سهل؟
هو مش صعب، في نفس الوقت مش سهل
والصعوبة مش في انك تأسس الحاجة قد ما بيكون في انك تتابعها بشكل مستمر وتتطور
فيها
هامش:
أي حاجة تحتها اسمي فهي من
كتاباتي الشخصية .. بعض القصائد مؤلفات لأختي واسمها عليهم برده
لأن لو بنشر حاجة مش بتاعتي
جوجل هيعتبرها مسروقة :))
كذلك غير مسموح بنشر أي حاجة من
المدونة الا بالرابط أو الاسم
______________________________
أكتُب ...
حين تثقلني الحياةُ أكتُب
حين تخونني الدمعات أكتب،
وأكتبُ حين أبتهج، وفي كل حين أكتب.
عباراتي نتاجُ عبراتي، وشِعري تفسير مشاعري.أنا
هنا بالكتابة، وللكتابة، وعن الكتابة.
يالحبوري حين ينطق حِبري فتزول غصة صدري.و إن
يومًا من الكتابةِ ليزيل كتمان السنين.
تسمعني الأوراق جيدًا..أحيك بها كلماتي
فتحكيني...وتحييني.ويجبر قلمي كسر قلبي، فيبقيني.
بالكتابةِ أحكي ، وأبكي..
أشكو، وألهو..أغني و أرقص علي أنغام
القلم إذ يختال علي بياض الصفحة زاهيًا،
أتدرين -يا كتابة- أنا أكتبك كي لا
تحرقني مشاعري وأثق أنك لن تحرقين أوراقي!
بقلم/ د.إسراء محمود
ما شاء الله ربنا يبارك فيكي يا رب ♥️
ردحذفوفيكم تسلمي ^^
حذفما شاء الله كتابتك بجد جميله جدا بالتوفيق دايما ❤❤
ردحذفتسلمي من ذوقك وبالتوفيق ليكي يارب^^
حذف